Prishtina ka shënuar fitore të ngushtë 1-0, në minutë të fundit ndaj Drenicës në kuadër të javës së 28-të në IPKO Superligën e Kosovës.
Trajneri i Prishtinës, Armend Dallku është shprehur se fitoret e tilla e bëjnë ekipin më të bashkuar por ka kritikuar referimin, ku sipas tij ju mohua një penallti e pastër Prishtinës.
“Fitoret e tilla në minutë të fundit na bëjnë më të fortë dhe të bashkuar si ekip” – tha ai për SSK.
“Besuam se mund të fitojmë deri në minutë të fundit dhe ja arritëm”.
“Fitore e rëndësishme por duhet të them se na u mohua një penallti klasike si dhe dy herë u ngrit pozicion jashtë lojë për lojtarët tanë pa arsye. Në këtë fazë të kampionatit gabime të tilla nuk duhet të ndodhin” – përfundoi ai.
Prishtina me këtë fitore arrinë në kuotën e 57 pikëve, një më pak se Drita që është lidere e Superligës.
