Bayern Munich ka marrë tre pikë shumë të rëndësishme në udhëtimi te Union Berlin, skuadër të cilën e mposhti 0-2.
‘Bavarezët’ e kanë nisur mbarë këtë pjesë të mbetur të sezonit, duke marrë fitore në stadiumin e zbrazur të Union Berlin.
Robert Lewandowski në minutën e 40’ shënoi për epërsinë e parë të Bayernit, kur shndërroi në gol një penallti të fituar.
Rezultatin përfundimtar e vulosi mbrojtësi Benjamin Pavard, që shënoi në minutën e 81’.
Me këtë fitore, Bayern Munich shkon në kuotën e 58 pikë, duke ruajtur diferencën prej katër pikëve me Borussia Dortmund.
Në xhiron e ardhme, liderët e Bundesligës në shtëpi presin Eintracht Frankfurtin.
