Vendim historik për abortin/ Gjykata supreme në SHBA e cilësoi jokushtetues ligjin që i kufizonte

0
Gjigandi

Në një vendim të konsideruar si gati historik, Gjykata Supreme në SHBA e cilësoi jokushtetues ligjin që kufizon abortet në Luiziana. Ligji kërkonte që mjekët që bënin aborte të privilegjonin spitalet afër, e kjo për gjykatësit çoi drejt një ngarkese të padrejtë për gratë. Kreu i Drejtësisë John Roberts u bashkua me gjyqtarët liberalë në vendimin e marrë 5-4 i cili qe një grusht i fortë për grupet kundër abortit.

Gjykata kishte ndjekur një politikë të ngjashme në Teksas në 2016, por kjo është çështja e parë madhore për abortin e vendosur prej saj gjatë presidencës Trump.
Ligji i Luizianës i vitit 2014 thoshte që mjekët të privilegjonin spitalet brenda 48 km nga vendi ku praktikonin profesionin e tyre, dhe kjo u argumentua me pretendimin se bëhej për të mbrojtur gratë. Por kritikët thanë se ligji i diskutueshëm kufizonte numrin e personave që e ofronin këtë shërbim në shtetin në fjalë, duke shkelur të drejtën e grave për një abort.
Majin e një viti më parë, disa shtete amerikane vendosën kufizime të reja ndaj abortit, duke inkurajuar kështu kundërshtarët e tij për mundësinë e sfidimit të vendimit të vitit 1973 të Gjykatës së Lartë, që vendoste të drejtën kushtetuese të grave për abortin.

Burimi: top-channel.tv

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu