Një pushues 75-vjeçar ka humbur jetën teksa ka qenë duke u larë në zonën e Plazhit të Vjetër në Vlorë. A.D ka qenë duke bërë plazh i vetëm në momentin kur është mbytur në ujë, ndërkohë që nuk dihet nëse ka pasur apo jo roje plazhi në mënyrë që ti jepnin ndihmën e parë.
“Në orën 09:45, në lagjen “1 Maji” Vlorë, në Plazhin e Vjetër dyshohet se është mbytur në ujë shtetasi A.D., 75 vjeç, banues në Vlorë, i cili ka qenë duke bërë plazh vetëm.
Po kryhen veprimet e mëtejshme për sqarimin e rrethanave të ngjarjes”, thuhet në njoftimin paraprak të policisë.
