Kur e gjitha bota po gjendet në një situatë të vështirë për shkak të pandemisë Covid-19, gjithë kjo krizë e kaploje edhe sportin. Shumë sportistë në mënyrë individuale vazhduan stërvitjet në kushte shtëpiake që sado pak ta mbajnë formën e tyre.
Edhe sportistët në Kosove vazhduan përgatitjet e tyre.
Dy sportistët nga Gjakova, njëri atlet Tirron Mamusha dhe tjetri futbollist Leka Lila, përzgjedhën që gjatë kohës së karantinës të stërviten në stadium e Qytetit në Gjakovë.
Tirron Mamusha
Tirron Mamusha është njëri ndër atletët më të mirë në Kosovë në shtigjet e gjata, ku dhe njihet për shumë suksese nëpër maratona vendore dhe ndërkombëtare, sukseset e tija të fundit ishin: në Gjysmë Maratonën Prishtina, i 7-ti dhe i pari prej vrapuesve shqiptarë, në Gjysmë Maratonën Tirana, i 4-ti dhe ne Stamboll 15 kilometra Road race i 17-ti në mesin e 39 mijë garuesve.
Leka Lila është futbollist i klubin nga Prizreni FC A&N, klub që garon në ligën e dytë dhe gjendet në vendin e parë dhe vitin tjetër pritet inkuadrimi në Ligën e Parë të Kosovës.
Leka Lila
Leka me punë dhe përkushtim po tregon suksese ku edhe synon që me klubin e tij FC A&N te arrij sa më lartë të jetë e mundur.
Dy sportistët kanë deklaruar që përgatitjet gjatë kohës së pandemisë ju kane shkuar siç e kanë planifikuar në plan-programin e tyre stërvitore, si dhe janë në formë shumë të mirë kondicionale.
