Mesfushori i Salzburg-ut, Dominik Szoboszlai, ka t ërhequr vëmendjen e shumë skuadrave të mëdha nga Italia në Spanjë. Merkato është akoma larg, por 19-vjeçari po vlerëson çdo mundësi. E sigurt është se futbollisti do të largohet nga Austria.
Në një intervistë të dhënë për Rangado.hu, Dominik Szoboszlai ka folur në lidhje me zërat e merkatos dhe ka pranuar se është takuar kohët e fundit me Ralf Rangnick, e ardhmja e të cilit duket se do të jetë në stolin e Milan-it:
“Unë dhe Rangnick njihemi sepse është lideri shpirtëror i familjes Red Bull. Jemi takuar kohët e fundit”.
“Për shkak të Coronavirus-it, kampionatet po luhen akoma dhe për rrjedhojë merkato nuk ka filluar akoma. Ndër të tjera, Ralf nuk punon te Milan-i. Sot nuk ka asgjë për të folur”.
“Objektivat e mi? Kam thënë se dua të fitoj Champions League, por nuk e di nëse me klubin tim aktual ose të ardhshmin. Kjo është arsyeja pse punoj shumë qëkur kam qenë fëmijë. Gjithsesi, do të thoja se Italia dhe Spanja janë maksimumi për mua”.
