Një stuhi e pazakontë breshëri u regjistrua të dielën në Sovjan të Maliqit, ndërsa pjesa tjetër e vendit ishte karanterizuar nga temperaturat e larta. Fermerët ankohen për dëme të mëdha në bujqësi e pemtari, ndërsa autoritetet thonë se do të evidentojnë pasojat.
Kjo fotografi tregon stuhinë e breshërit që përfshiu të dielën fshatin Sovjan në Maliq.
Ndërsa këto pamje pasojat e kapriços së motit në bujqësi, ndërsa pjesa më e madhe e vendit është përfshirë nga temperaturat e larta.
Fermerët thonë se stuhia dëmtoi grurin që është gati për korrje, dhe pemët frutore.
Bujqësia e pemtaria, thonë banorët janë bazë e ekonomisë së tyre familjare. Ndaj nëse nuk kompensohet, për ta do të thotë se puna shkoi dëm.
Disa orë pas stuhisë së breshërit në terren kanë dalë edhe komisionet e evidentimit të dëmeve të Bashkisë Maliq.
Ata do të plotësojnë dokumentacionin mbi bazë të cilit do të vendoset për mbështetjen e fermerëve.
Pak javë më parë një stuhi e ngjashme dëmtoi prodhimet bujqësore edhe në fshatin Zvezdë.
