Studiuesja gjermane e komunikimit, Suzana Starikov ka thënë së fundmi se Kryeministri i Shqipërisë, Edi Rama do të pasojë Jens Stoltenberg në postin e Sekretarit të Përgjithshëm të NATO-s.
Në një postim në Twitter, pa përmendur burimin e informacionit që ajo ka shpërndarë, Starikov ka thënë se Shtetet e Bashkuara të Amerikës kanë insistuar në veçanti në zgjedhjen e Sekretarit të Përgjithshëm të ardhshëm të NATO-s mes anëtarëve të rinj të NATO-s.
Kandidatët ishin Kryeministrja e Estonisë, Kaja Kallas dhe Kryeministri i Shqipërisë, Edi Rama, ka shtuar studiuesja.
“Kush do të jetë kryeministri i radhës i Shqipërisë?”, e ka mbyllur postimin Starikov.
Informacionet e shpërndara nga studiuesja gjermane nuk janë të konfirmuara dhe pritet një reagim nga NATO ose Kryeministri Rama.
Suzana Starikov është një studiuese e komunikimit, ndërsa njihet për botimet e saj për politikën e jashtme.
/abc24.al/
Edi Rama will succeed Jens Stoltenberg as #NATO Secretary General. The US in particular is said to have insisted on electing the next NATO Secretary General among the new NATO members. The candidates were 🇪🇪PM Katja Kalas and🇦🇱Prime Minister Edi Rama. Who will be the next🇦🇱PM? pic.twitter.com/CQzwxnoq2m
– Suzana Starikov (@Intetyst) April 1, 2022
