David Beckham ka qenë një nga futbollistët më të dashur për femrat. Anglezi konsiderohej si më i bukuri, ndërkohë që shpesh pushtonte faqet e para të gazetave. Tani është koha e djalit të tij, Brooklyn, të jetë në qendër të vëmendjes.
Ai pritet që të martohet me një modele dhe aktore amerikane.
Bëhet fjalë për Nicola Peltz, e cila është e bija e një biznesmeni miliarder (Nelson Peltz) në Shtetet e Bashkuara të Amerikës.
Çifti është i lidhur që prej nëntorit të vitit 2019 dhe në postimet e tyre në rrjete sociale tregojnë se janë shumë të dashuruar mes tyre. Më 11 korrik ata kanë njoftuar fejesën e tyre dhe tashmë po planifikojnë dasmën, ku sigurisht nuk do të mungojnë shumë personazhe të njohura të botës së artit dhe sportit, transmeton abcnews.
