Ministria për Evropën dhe Punët e Jashtme e Shqipërisë ka dënuar sot përdorimin e lajmeve të rreme nga Rusia për të mohuar bombardimin e Konsullatës së Nderit të Shqipërisë në Kharkiv të Ukrainës.
Në një njoftim më Twitter ku ka publikuar përsëri pamjet e konsullatës së bombarduar, ministria ka shtuar se pamjet e shkatërrimit të godinës flasin vetë.
“Ky shkatërrim i godinës si dhe i dokumenteve në arkiva është shkelje e hapur e nenit 61, kreu III i Konventës së Vjenës për Marrëdhëniet Konsullore”, ka thënë ministria.
Dezinformimi dhe lajmet e rreme mbi këtë sulm janë të papranueshme, ka theksuar ministria.
Konsullata e Nderit e Shqipërisë në Kharkiv është shkatërruar nga bombardimet ruse më 7 mars. Ky akt u dënua ashpër nga Tirana zyrtare e cila ka kërkuar që autorët të mbajnë përgjegjësi.
/abc24.al/
1/2. This destruction of the premises as well as of documents in the archives are a blatant violation of Article 61, Chapter III of the Vienna Convention on Consular Relations.
‼️#Disinformation & fake news on this attack are unacceptable! pic.twitter.com/swybZS0cTj
– Albanian MEFA 🇦🇱 (@AlbanianDiplo) March 17, 2022
