Një 32-vjeçare është arrestuar nga ana e policisë së Durrësit, pasi ishte shpallur në kërkim për veprën penale të mashtrimit. E.B 32-vjeç dyshohet se ka mashtruar dy shtetas duke ju shitur bileta të falsifikuara të një agjencie turistike. Njoftimi i policisë: Kapet dhe ndalohet një shtetase e shpallur në kërkim për veprën penale “Mashtrimi” Në vijim të punës për kapjen e personave në kërkim, Specialistët Kundër Krimit Ekonomik dhe Financiar në Drejtorinë Vendore Durrës pas informacioneve te siguruara në rrugë operative, në lagjen nr 6 në Durrës bënë të mundur ndalimin e shtetases E.B., 32 vjeçe, banuese në Durrës, e shpallur në kërkim e dyshuar për veprën penale të mashtrimit. Kjo shtetase ka mashtruar dy shtetas duke ju shitur bileta të falsifikuara të një agjencie turistike. Materialet i kaluan Prokurorisë Pranë Gjykatës së Shkallës së Parë Durrës, për veprime të mëtejshme.
