Bashkia e Tiranës vijon punën me intensitet të plotë për mirëmbajtjen e rrugëve. Kryebashkiaku Erion Veliaj ka publikuar foto nga puna e ekipit të bashkisë, të cilët gjatë mesnatës u angazhuan në mirëmbajtjen dhe sinjalistikën e re rrugore te Rruga e Kavajës.
“Ekipi i Mirëmbajtjes, u kujdes që sinjalistika e Rrugës së Kavajës të jetë brenda standardeve të qarkullimit. Lyerja e shigjetave detyruese dhe vijëzimit ndarës e bënë lëvizjen më të thjeshtë si për automjetet ashtu edhe për këmbësorët. Puna vazhdon!” – nënvizon kryebashkiaku Veliaj.
