Rezolute kunder Macronit, PE: Refuzimi i negociatave mund te sjelle destabilizim ne Tirane e Shkup – Lajmi i Fundit – Lajme

0
17

Parlamenti Europian ka hartuar një draftrezolutë ne lidhje me bllokimin që Presidenti francez Macron i bëri celjes së negocjatave të anëtarësimit me Shqipërinë dhe Maqedoninë e Veriut në BE. Sipas dokumentit, refuzimi per t`i dhëne dy vendeve dritën e shumëpritur jeshile të nisjes së bisedimeve, mund të sjellë destabilitet në Shqipëri e Maqedoninë Veriore, por edhe në mbarë rajonin. “Keqardhje për vendimin e bllokimit të negociatave për Maqedoninë e Veriut dhe Shqipërinë si dhe për rolin që Presidenti i Francës dhe vende të tjerë anëtare patën në këtë vendim”, thuhet në rezolutë i bëhet thirrje këshillit europian të marrë përgjegjësinë që i takon dhe të veprojë sipas angazhimeve që ai vetë ka marrë. PE evidenton sesi Komisioni Europian e ka rekomanduar që në 2009-tën çeljen e negocjatave me Shkupin, ndërsa thekson rezultatet me përfitime reciproke të gati “ dy dekadash nderveprimi institucional dhe politik mes BE-së dhe dy vendeve në fjalë“. Drafti i rezolutës, i formuluar të martën, mund të ndryshojë gjatë të mërkurën ndersa duhet sqaruar se PE nuk ka fuqi legjislative për vendimet për zgjerimin. Por qëndrimet e parlamentit janë të rëndësishme, në kohen kur pritet të votohen kandidatët e rinj nga Franca, Hungaria dhe Rumania për kabinetin e presidentes së zgjedhur të Komisionit Europian Ursula von der Leyen.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu