Organizata e Veteranëve të Luftës së Ushtrisë Çlirimtare të Kosovës, me përkrahjen e kryetarit të Komunës së Drenasit, Ramiz Lladrovci, ka mbajtur protestë në sheshin “Fehmi Lladrovci” në Drenas në shenjë kundërshtimi dhe indinjate me publikimin e njoftimit për dy aktakuza të pakonfirmuara ndaj dy udhëheqësve të luftës, Presidentin Hashim Thaçi dhe Kryetarin e PDK-së, Kadri Veseli.
99 protestuesit kanë mbajtur distancë për shkak të virusit COVID-19, duke u ulur secili në pozicione larg njëri tjetrit.
Protestuesit kanë shprehur solidarizim dhe mbështetje të palëkundur në pafajësinë dhe pastërtinë e luftës së UÇK-së.
Kujtojmë se me propozimin e kryetarit Lladrovci, dje është miratuar Deklarata në mbrojtje të vlerave të luftës së UÇK-së dhe udhëheqësve të saj.
