Partia Demokratike ka publikuar një video që tregon praninë e madhe të efektivëve të policisë në zonën e Unazës së Re në Tiranë, ku protestojnë banorët që kundërshtojnë shembjen e banesave. Në reagimin e demokratëve theksohet se policia është vendosur përballë grave dhe fëmijëve që protestojnë. “Forca të shumta policore në Unazën e re kundër banorëve paqësorë që protestojnë paqësisht për të mbrojtur banesat e tyre nga një e konfirmuar botërisht si korruptive. Pothuajse e gjithë policia e kryeqytetit është vendosur përballë grave dhe fëmijëve protestues”, thuhet në reagimin e PD-së. Disa prej protestuesve janë arrestuar ditët e fundit, për shkak të bllokimit të rrugës në shenjë proteste.
