Shefja e Shërbimit Infektiv, Najada Çomo ka qenë e ftuar sonte në “Open” pas një heshtjeje 3 mujore për mediat.
Çobo ka rrëfyer momentet më të vështira që ka kaluar gjatë 3 muajve punë intensive në luftën kundër Covid-19.
Sipas Najada Çomos, momenti më i vështirë ishte dhe është njoftimi i familjarëve kur të dashurit e tyre humbin jetën në spital.
Duke u përlotur, shefja e Shërbimit Infektiv tha:
“Ishte shumë e vështirë të njoftoje familjarët për pacientët që humbnin jetën. Nuk kishte një moment më të vështirë sesa të merrja dikë që se njeh në telefon dhe t’i thuash që i afërmi yt ka vdekur. Unë i kam dhënë të gjitha njoftimet. Ishte shumë e vështirë.”
