Drita ka realizuar fitore të rëndësishme në kuadër të Superligës së Kosovës në futboll.
Në ndeshjen e zhvilluar në “Riza Lushta”, skuadra e Ardian Nuhiut ka mposhtur Trepçën’89 me rezultat të pastër 0:2.
Pas ndeshjes, trajneri shkupjan Nuhiu është shprehur tejet i kënaqur me fitoren e skuadrës së tij.
“Ishte një fitore e rëndësishme për të vazhduar kampionatin dhe më vjen mirë për futbollistët. Më erdhi mirë që fituam sot”, u shpreh fillimisht Nuhiu në “SS Kosova”.
“Taktikisht ishim mirë të vendosur dhe kemi luajtur menqur”, tregon më tej ai.
“Do të jetë garë e ngushtë deri në fund, ndeshjet direkte do të luajnë rol të madh. Përvojën e ka grupi dhe ndeshjet duhet t’i marrim një nga një”, shtoi Ardian Nuhiu.
