Zëvendës presidenti i UEFA-s, Michele Uva, ka konfirmuar se institucioni më i rëndësishëmn i futbollit në Europë ka menduar dhe një zgjidhje alternative për sfidën ndërmjet Napolit dhe Barcelonës. Camp Nou do të presë ndeshjen e kthimit që do të luhet më 8 gusht, por nëse situata nuk është e mirë nga COVID-19 do të ketë një tjetër destinacion për sfidën.
“Napoli do të luajë në Barcelonë dhe diçka e tillë mund të ndryshojë nëse vendosen rregulla që e ndalojnë futbollin në Spanjë. Ne shpresojmë që diçka e tillë të mos ndodhë dhe ndeshja e kthimit të luhet në shtëpinë e katalanasve”, – thotë ai për Radio Punto Nuovo.
UEFA ka menduar dhe zgjedhje alternative dhe diçka të tillë e thotë vetë Uva.
“Nëse nuk mund të luajnë në Camp Nou, ka dhe zgjidhje alternative”, – thotë shkurtimisht Uva. Faza finale e Champions League do të luhet në Portugali. Lisbona do të presë çerekfinalet dhe do të ketë vetëm ndeshje teke.
