Një grup i policisë ushtarake italiane janë arrestuar dhe stacioni i tyre policor u mbyll pasi hetuesit zbuluan një seri krimesh të supozuara që po ndodhnin në kazermë.
Karabinierët në qytetin verior të Piacenza dyshohen për trafik droge, shantazhe dhe tortura. Rasti ka shokuar prokurorët dhe banorët në qytetin verior italian.
“Ne jemi të paprekshëm”, thuhet se njëri prej të dyshuarve i tha një kolegu në një përgjim policie.
Rastet e shfrytëzimeve të ekipit ishin lajmet në faqen e parë në Itali të enjten, dhe prokurori vendor Grazia Pradella tha “çfarë ndodhi në atë kazermë ishte e jashtëligjshme – ata ishin kriminelë”.
Akuzat u lexuan si faqet e një romani kriminalistik, dhe shumë prej veprave penale ndodhën në javët kur Italia hyri në bllokim të pandemisë, edhe pse filloi operacioni policor në vitin 2017.
Burimi: top-channel.tv
