Kriza e madhe e Barcelonës ka bërë që të shpërqëndrohet mendja nga merkatoja. Sulmuesi Lautaro Martinez është emri i pëlqyer për sulmin për të marrë pozicionin e Luis Suarezit në skuadër, por ende nuk ka diçka konkrete mes palëve.
Drejtori sportiv i Interit, Beppe Marotta, ka deklaruar se argjentinasi mund të vazhdojë me skuadrën zikaltër, pasi nuk ka asgjë të re. “Zërat për Barcelonën dhe Lautarën manë mbetur në tym, rëndësi kanë faktet. Fakti është që Lautaro është futbollisti ynë.
“Ai kurrë nuk ka thënë se do të largohet. Lautaro është një djalë serioz dhe nuk i lejon vetes të ndikohet nga zërat e merkatos. Ai po përmirësohet dita-ditës, në javët e fundit e ka treguar sërish kualitetin e tij të madh”, – tha ai.
