Trajneri i Tottenhamit, Jose Mourinho ka pohuar se ai nuk do ta ndërronte Giovani Lo Celso për Bruno Fernandes nëse i jepej shansi, me mesfushorin e Manchester United që raportohet se ka qenë në prag të nënshkrimit për Spurs para se të arrinte ‘The Special One’.
Thuhet se Tottenham kishte hapur bisedime me Sporting CP në lidhje me Fernandes gjatë afatit kalimtar të verës së kaluar, por përfundimisht përfundoi duke nënshkruar me Lo Celso – fillimisht në një marrëveshje huazimi – nga Real Betis.
Nën administrimin e Mourinho, Lo Celso që atëherë është bërë i paprekshëm në formacionin startues – megjithatë Fernandes ka transformuar Djajtë e Kuq pas ardhjes së tij në janar.
“Unë nuk di asgjë për këtë”, i tha Mourinho Sky Sports kur u pyet për bisedimet e raportuara të Spurs me Sporting, transmeton lajmi.net.
“Por nëse kjo është e vërtetë, dhe Giovani Lo Celso ishte lojtari që erdhi te Spurs [në vend të tij], atëherë unë do të thoja se nuk do ta ndryshoja Lo Celso për asnjë lojtar”.
“Jo vetëm për Bruno, por për asnjë lojtar”, u shpreh portugezi.
