Malcom u bë një prej transferimeve më të shtrenjta në histori të Zenit Saint Petersburgut gjatë verës, mirëpo ai ka luajtur vetëm 64 minuta prej se u transferua nga Barcelona. Klubi rus shpenzoi 40 milionë euro për sulmuesin brazilian, mirëpo ai nuk ka luajtur që nga 8 gushti si pasojë e lëndimit. “Kam një lëndim shumë delikat dhe të ndjeshëm. Më dhemb një apo dy ditë dhe pastaj nuk ndjej dhimbje, por kur e godas topin me pakëz më shumë forcë, më dhemb sërish”. është shprehur Malcom për faqen zyrtare të Zenitit.
