Arben Mici mbeti viktimë si pasojë e flakëve që pushtuan Komisariatin e Kamzës mbrëmjen e kësaj të shtune. Gazetari Besar Bajraktaraj ka mësuar se ai ishte arrestuar ditën e sotme për dhunë në familje.
Mici u dërgua në spital, por plagët ishin të rënda dhe nuk mundi të mbijetojë.
Si pasojë e flakëve në komisariat janë lënduar edhe dy persona të tjerë, një i ndaluar dhe një polic. Burime për Klan News kanë thënë se polici ndodhet në gjendje të rëndë shëndetësore.
Paraprakisht dyshohet se zjarri ka nisur tek dhoma e personave që mbahen të ndaluar.
