Kampionati i Malit të Zi në futboll vazhdon me 30 maj dhe me shikues, njoftojnë mediat malazeze.
Telekom Liga e Parë e Futbollit Mali i Zi vazhdon të shtunën, para tifozëve! Këtë e bëri të ditur kryeministri i Malit të Zi, Dushko Markoviq, në konferencën e sotme për shtyp.
“Do të lejohen dasma, një numër i kufizuar i shikuesve në ngjarje sportive, me masat e duhura” – tha Markoviq.
Federata e Volejbollit dhe Hendbollit e Malit të Zi anuloi garat më 22 prill, Federata e Basketbollit e bëri të njëjtën gjë më 14 maj pas konsultimeve me klubet.
Sezoni me siguri do të vazhdojë në vaterpolo (vendimi do të merret deri në fund të kësaj jave), por futbolli, si në Evropë, ka dëshmuar edhe një herë se është përpara të gjitha sporteve.
Futbolli do të rifillojë më 30 maj, pas një pushimi prej 84 ditësh, dhe 13 raunde, si dhe gjysmëfinalet dhe finalet e Kupës, do të luhen deri më 2 gusht.
