Sulmuesi i Leicester City, Jamie Vardy, iu bashkua bashkëshortes së tij Rebekah Vardy në Gjykatën e Lartë për herë të parë në ditën e gjashtë të gjyqit ‘Wagatha Christie’, një mosmarrëveshje e vazhdueshme për shpifje nga Coleen Rooney.
Prania e ish-sulmuesit të Anglisë është e një rëndësie shtesë, megjithëse të martën, ish-bashkëlojtari i tij te kombëtarja, Wayne Rooney, do të japë dëshmi në mbështetje të gruas së tij, e cila “e ka urryer çdo minutë” të atij rasti.
Golashënuesi rekord i të gjitha kohërave i Manchester United ka qenë i pranishëm në gjykatë gjatë gjithë gjyqit.
Foto: Getty Images
Deri më tani, Rooney ka qëndruar i heshtur në sallën e gjyqit, por tani ai është ftuar në cilësinë e dëshmitarëve, kur ka të ngjarë të pyetet për një përplasje verbale të supozuar me ish-shokun e ekipit, Vardyn.
Në ditët e fundit, 36-vjeçari ka qëndruar i heshtur ndërsa gruaja Coleen dokumentoi tensionet që ndërhyrja e mediave ka krijuar në martesën e tyre ndër vite.
Rooney mësohet se ka shkëmbyer fjalë të tensionuara me sulmuesin e Foxes, Vardyn, ndërsa dyshja u ulën pranë bashkëshorteve të tyre për të filluar seancën gjyqësore.
Foto: Getty
Sipas deklaratës së dëshmitarit të Coleen, Rooney – si kapiten i Anglisë në Euro 2016 – supozohet se e kishte këshilluar Jamien se gruaja e tij kishte bërë një gabim duke rënë dakord të shkruante një opinion për The Sun.
Rooney gjithashtu mësohet të ketë qenë në dijeni se gruaja e tij po kryente një operacion thumbues në përpjekje për të zbuluar se kush po hynte në llogarinë e saj në Instagram. Coleen më vonë pretendoi se Rebekah Vardy ishte ajo që e bënte, duke e shtyrë këtë të fundit ta padiste për shpifje. /
abc24.al/
