Prishtina është kampion i ri i Kosovës në futsall. Në finalen e luajtur ndaj Liburnit, prishtinasit dolën triumfues me rezultatin 4:2.
Pas fitores dhe shpalljes kampion, trajneri i Prishtinës, Shpend Ibrahimi tha se ishin të përgatitur për këtë fitore.
“Ishim përgatitur shumë për këtë ndeshje finale, sikurse në aspektin fizik, po ashtu edhe në aspektin psiçik. Kemi disa pika të forta brenda skuadrës të cilat i kemi shfrytëzuar dhe me meritë e fituam ndeshjen”.
“Për ndeshjet e Evropës do të ketë shumë surpriza, nuk mund të them asgjë tani”, tha Ibrahimi në RTK.
Ishte ky trofeu i parë i Prishtinës në futsall, pas pesë vite themelimi.
