Grekët nxjerrin fotot e hartat, gomonet me drogë u nisën nga Vlora – Lajmi i Fundit

0
12

Gomonet e kapura ditët e fundit në Greqi, për trafikun e drogës janë nisur nga Vlora. Këtë e bën të ditur policia greke, e cila në një deklaratë për operacionin disa ditor thotë se ka shkatërruar grupin kriminal të trafikut të marijuanës nga Shqipëria drejt Turqisë dhe trafikut të heroinës nga Turqia në Shqipëri.
Autoritetet greke kanë publikuar edhe një hartë të intinerarit të gomoneve, të cilat janë nisur nga Vlora në datën 24 shtator.

“Në datën 25 shtator jemi njoftuar për dy gomone që po tentonin të transportonin drogë në brigjet e Turqisë. U organizua operacion nga policia dhe roja bregdetare me 10 skafe, 1 helikopter dhe 1 avion si dhe 2 avionë të FRONTEX në verilindje të detit Egje. Operacioni rezultoi me kapjen e një gomoneje dhe arrestimin e 3 personave qe ndodheshin në të, të moshës 25, 42 dhe 42-vjec.
Ne dt.29 shtator, u zbulua një gomone tjetër me një shtetas 35-vjeçar në bord në zonën detare të Agistrio. Për të njëjtën çështje janë në kërkim edhe dy persona të tjerë”, sqaron policia greke.Policia e shtetit helen ka krijuar edhe një profil të grupit kriminal.
“Ata zgjidhnin gomone që kanë mundësi të transportojnë sasi të mëdha droge, motorë të shpejte dhe skafistë të zotë. Ata zgjidhnin të lundronin në dite me vranësira dhe erëra te forta dhe det mbi 5-6 balle”, thotë policia.
Më pas në datën 30 shtator, në ishullin Piperi u gjeten dhe sekuestruan 106 pako me 1 ton 172 kg marijuane.
Tri të arrestuarit e parë kanë marrë masën e sigurisë “Arrest në burg”./oranews

LEAVE A REPLY

Please enter your comment!
Please enter your name here