Kampionati gjerman ishte i pari që nisi të luajë edhe pse në kohë pandemie.
Klubet respektuan në mënyrë perfekte protokollin e hartuar nga Ministria e Higjienës dhe Federata Gjermane e Futbollit, duke mbyllur një sezon perfekt.
Edhe pse në mungesë të tifozëve, të cilët me shumë mundësi do të rikthehen në startin e sezonit të ri. DFL-ja u ka dorëzuar dje të gjitha klubeve një formular prej 41 faqesh ku tregon të gjithë hapat që ato duhet të ndjekin për të bërë të mundur lejimin e tifozëve në stadium.
Këta të fundit priten të mos jenë në kapacitetin e tyre të plotë për shkak të distancës që duhet të ruajnë nga njëri-tjetri.
