Është sikur në ditët më të mira, në mendime të thella, kushedi për çka!
Është emri i madh i sportit të Kosovës, ish portieri i mirënjohur i gjeneratës së artë të klubit të futbollit Prishtina, Shukri
Paçarada, që sot jeton e vepron në Gjermani.
Djali i Shukriut, Learti, është prej mbrojtësve më të mirë në Bundesliga II apo alfa e omega e skuadrës së Sandhausenit.
Learti, reprezentues i Kosovës, sot është lojtar i lirë.
Paçarada, me një frizurë pak më ndryshe dhe me plane për të ardhmen.
Sot e asaj dite nga gjeneratat e vjetra nuk harrohet debutimi i Paçaradës në fanellën e Prishtinës me 22 shkurt të vitit 1987, kur ai ishte trim i ndeshjes në stadiumin “Marakana” në Beograd. Falë tij ia patën marrë një pikë Zvezdës, duke luajtur baras (0:0), në kuadër të javës së 18-të të elitës së futbollit ish jugosllav.
