Sport

A ia shitën lojën Drenicës, flet më së miri protagonisti!

14 Qershor, 2020

Të shtunën Drenica nga Skenderaj ngadhënjeu me rezultat 2:0 në stadiumin “Zahir Pajaziti” në Podujevë, kundër Llapit, në ndeshjen e javës së 24-të të elitës së futbollit të Kosovës.

A ia shitën lojën Drenicës, flet më së miri protagonisti!
Sekretari i Llapit, Muhamet Rexhepi, të shtunën u raportua se ka akuzuar dy lojtarët, Mentor Zhdrella dhe Labinot Osmani se e kanë shitur ndeshjen, por ai vet e ka sqaruar këtë punë me një shkrim të gjatë në facebokun e tij. Sekretari ka postuar një foto me dy lojtarët, Osmanin dhe Zhdrellën.

“Përshëndetje miq dhe futbolldashës. duke i parë shkrimet e vazhdueshme gjatë ditës së djeshme, të cilat ishin totalisht të pabaza dhe shpifje, më duhet të reagoj dhe të sqaroj të vërtetën e të gjitha ngjarjeve.Unë si Sekretar i klubit nuk kam pasur asnjë konflikt as me fjalë e as fizik, me dy futbollistët e skuadrës, Mentor Zhdrella dhe Labinot Osmani të cilët janë futbollistë kulminant dhe me emër në futbollin tonë.

As edhe njëherë të vetme në karakterin tim nuk do ndodh që unë të paragjykoj dikë e aq më pak me futbollistët e skuadrës në të cilën tashmë e 7 vite veproj me nder dhe me përgjegjësi.Mendoj se është për të ardhur keq që dikush i pandërgjegjshëm t’ua dëmtoj imazhin këtyre futbollistëve kulminant duke përdorur emrin tim në shpifje dhe raportime të pavërteta, pasi që Mentor Zhdrella është kapiten i skuadrës dhe viti i 3-të që është pjesë e Llapit poashtu edhe Labinot Osmani tash e 1 vit andaj me këta dy dhe gjithë të tjerët jemi si familje dhe lërë më t’i akuzoj për diçka që nuk është fare e vërtetë.

Unë dhe dashamirët e futbollit, akuzat duhet t’i drejtojnë tek ata që vendosën ndeshjen me golin e dytë i cili ishte i shpikur, po them me plotë bindje se pergjegjësia bie direkt tek komisioni delegimit dhe tek dy gjyqtarët Besfort Kasumi e Selami Haziri. Për këtë të fundit mendoj që edhe Liga e Tretë është shumë për t’u deleguar e lëre më Superliga sepse ka gjyqtarë 10 herë më të mirë se ai e nuk delegohen, a thu pse?

Apo ndoshta duhet të jenë kësi gjyqtarë të dobët që tu kryejnë punë shefave të tyre dhe ne i kemi dyshimet ton që besoi kem drejt me dyshu e dikush duhet të merret me kta njerz dhe te marrin denimin e meritum dhe ti vertetoj a janë të qellmshme kto gabime a thjesht gabim njerzor që mund ti ndodh qdo kujt, sepse atu derdhen njerst e lojtarve mundi donatorve etj dhe ksi referimi skandaloz osht per gjynah të bëhet, e arysjet pse dyshojmë janë po e theksoj se gjyqtari anësor Selami Haziri është nga Gjilani po ashtu edhe anëtari i komisionit qe i delegon gjyqtarët është nga Gjilani aj është Malazog Hoxha dhe për pozitat që dërgojnë në Evropë, ne jemi konkurent me dy ekipet e Gjilanit (respekt per të dy klubet), kurse me atë çfarë bëri dje gjygjtari anësor për dy ekipet është një rrezik më pak.Ata që kanë shpifur do të përballen me drejtësinë dhe po u bëj me dije se avokati im personal eshtë duke mbledhur material dhe do t’i padis të gjithë ata që na kanë dëmtuar imazhin e klubit, imazhin tim dhe imazhin e futbollistëve.

Po ua bashkangjis dy foto njërën me dy futbollistët e repektuar Mentorin dhe Labin ku pinum kafen e mengjesit per tu ja deshuar shpisve se jemi më të bashkuar se kurr dhe kot e kan se nuk munden të na përqajnë sepse jemi si një familje,kurse fotoja tjetër ajo e golit të pranuar nga gjyqtari anësor Selami Haziri dhe ai kryesor, Besfort Kasumi.Dhe dikush duhet të kërkoj përgjegjësi dhe llogari dhënje nga këta refer-akter që e vendosën ndeshjen dje me kësi gola të pranuar!!!”, shkruan Rexhepi.

PËRGJIGJU Anulo përgjigjjen

ME TE SHIKUARAT

Zgjedhjet e Redaktorit

Postimet më të Populluara

KATEGORI E POPULLARIZUAR