Ish-ministri i Mjedisit, Lefter Koka ka kërkuar zëvendësim të masës së sigurisë.
Burime për median bëjnë me dije se kërkesa e Kokës do të shqyrtohet në shtator nga Gjykata e Posaçme.
Motiv për këtë të fundit është bërë gjendja e tij shëndetësore, me argumentin se është në gjendje të rëndë shëndetësore. Koka pretendon se vuan nga zemra, ku dhe është transportuar së fundmi në spitalin e burgut. Sakaq në kërkesën e tij pretendon se nuk ka përgjegjësi për shpronësimin pasi dokumentacioni është përgatitur nga ekspertët e ministrisë së mjedisit.
Ish-ministri i Mjedisit Lefter Koka akuzohet për shpërdorim detyre, pastrim parash dhe korrupsion me urdhër të Prokurorisë së Posaçme kundër Korrupsionit dhe Krimit të Organizuar (SPAK).
