Rrahmani, për herë të parë të martën mbrëma do të luajë kundër skuadrës së tij të ardhshme, Napolit.
Amir Rrahmani, 26-vjeçari nga Kosova, u transferua te Napoli në afatin kalimtar të janarit për 14 milionë euro plus 1.5 milionë bonuse.
Kapiteni i ‘Dardanëve’ nënshkroi kontratë pesë vjeçare me ekipin e Gennaro Gattusos, që do të hyjë në fuqi nga sezoni i ardhshëm pasi qëndroi në formë huazimi te Verona deri në fund të sezonit aktual.
Të martën mbrëma do të përballen Verona-Napoli dhe s’ka asnjë dyshim se Rrahmani do t’i ketë ndjenjat e përziera.
Sido që të jetë, ai disa herë ka përsëritur se pavarësisht transferimit, ai është i fokusuar 100% te Hellas Verona dhe edhe kundër Napolit, do të mundohet të lë gjithçka në fushë për ta ndihmuar skuadrën e tij që po lufton befasisht për një vend në Evropë.
