Pas pyetjeve në lidhje me saktësinë e testeve për antitrupat kundër SARS-CoV-2 (virusi që shkakton COVID-19), dhe keqpërdorimi dhe keqinterpretimi i mundshëm i atyre testeve, Qendrat e SHBA për Kontrollin dhe Parandalimin e Sëmundjeve (CDC) në muajin maj lëshuan përkohësisht udhëzime për përdorimin e tyre.
Testet e antitrupave SARS-CoV-2, shpesh të quajtura teste të serologjisë, zbulojnë antitrupa kundër SARS CoV-2 në gjak, gjë që sugjeron një përgjigje imune ndaj infeksionit që do të zhvillohet edhe tek njerëzit që nuk kanë pasur simptoma të COVID-19 shkruan LabTestOnline.
Sidoqoftë, prania e antitrupave nuk tregon nëse një individ ka sëmundje aktive, as nëse ka ndonjë imunitet mbrojtës kundër ri-infeksionit.
Testet serologjike janë të dallueshme nga testet diagnostikuese PCR, të cilat gjejnë material gjenetik nga SARS-CoV-2 në tamponet e hundës dhe të fytit.
Në disa raste, rezultatet e testeve serologjike mund të ndihmojnë në përcaktimin se kush mund të jetë person i duhur për të dhuruar gjak që mund të përdoret si pjesë e provave klinike të terapisë plazmatike mbi COVID-19.
Testet e antitrupave mund të përdoren gjithashtu si një ndihmë shtesë për diagnostikimin e COVID-19 për pacientët që paraqesin simptomat e vonshme dhe që dalin negative nga testi PCR.
Edhe kur përdorni teste me ndjeshmëri dhe specifikë të lartë, udhëzimet rekomandojnë testimin e popullatave dhe individëve me një gjasë të lartë të ekspozimit të mëparshëm ndaj COVID-19.
Kjo rrit probabilitetin që një rezultat i tillë të jetë pozitiv i vërtetë. Në të kundërt, testimi i njerëzve në zonat ku numri i rasteve të COVID-19 është i ulët rrit shanset për rezultate ‘pozitive false’, sepse gjasat për të gjetur një person që është infektuar është i ulët.
