Klevis Kapllani, 33-vjeç është ekzekutuar në Sinaballaj të Rrogozhinës.
Sipas policisë i riu është gjetur i vrarë rreth orës 06:00, në makinën e tij. Por dyshimet e grupit hetimor janë se Kapllani të jetë i përfshirë në vrasjet e ndodhura në Elbasan dhe në Peqin.
Mësohet se në datën 12 shtator viktima ka komunikuar me persona të paidentifikuar të cilëve u ka lënë makinën deri në datën 14.
Një ditë më vonë ai u gjet i pajetë pikërisht në këtë mjet, i qëlluar me 13 plumba kallashnikovi.
Nga ana tjetër ka dyshime por ende jo të konfirmuara zyrtarisht se Kapllani merrej me trafik droge edhe në Shqipëri, ku është kthyer 2 vite më parë pasi ka kryer dënimin për trafik narkotikësh edhe në Itali. Në vendin e ngjarjes është gjetur një armë zjarri tip pistoletë dhe një aparaturë celulare pa kartë brenda.
