Një familje në fshatin Dajç të Lezhës ka pësuar momente tmerri në orët e para të mëngjesit të sotëm. Mësohet se në këtë familje disa persona kanë hyrë me forcë duke kontrolluar gjithë shtëpinë dhe terrorizuar zonjën e shtëpisë së bashku me dy fëmijët e saj, pasi bashkëshorti ndodhej në Malin e Zi ku dhe punonte. Sipas zonjës Gjinaj personat që hynë me forcë janë prezantuar si punonjës policie.
Ndërsa kryefamiljari Artan Gjinaj, i cili është kthyer nga Mali i Zi sapo ka marrë vesh ngjarjen ka deklaruar për mediat se ata kanë tentuar të thyejnë dritaren nëse nuk do u hapej dera për të hyrë.
Nuk dihet nëse personat të cilët kanë hyrë për kontroll në këtë banesë, kanë qenë vërtetë policë. Po ashtu kryefamiljari deklaruar se personat e maskuar nuk kanë grabitur asgjë, vetëm kanë bërë kontrolle në dhoma të ndryshme të shtëpisë dhe janë larguar.
