Këtë javë po zhvillohet xhiroja e 25-të në Superligën e Kosovës në futboll.
Një statistikë interesante vërehet pas kësaj xhiroje.
Ndonëse kanë mbetur edhe tetë xhiro deri në fund, asnjë ekip nuk e ka siguruar matematikisht mbijetesën.
Në rast se Trepça’89 mposhtet nesër nga Ballkani, atëherë Drita bëhet ekipi i vetëm që e siguron matematikisht mbijetesën.
Në të kundërtën, mbetet që të zhvillohet edhe një javë për t’u bërë e ditur se ndonjë ekip do ta sigurojë matematikisht mbijetesën.
Kujtojmë se këtë sezon 4 ekipe do të bien nga liga pasi që nga edicioni i ardhshëm Superliga do të jetë vetëm me 10 ekipe.
