Pushimet janë një kohë e shkëlqyeshme që jo vetëm na japin mundësinë të largohemi nga stresi dhe lodhja nga puna, por edhe të shohim gjëra të reja, të takojmë njerëz të rinj dhe të bëjmë disa foto interesante. Por pushimet mund t’ju ndihmojnë të digjni kalori gjithashtu. Këto ushtrime do t’ju ndihmojnë:
6. Hani ushqime deti në vend të mishit.
Thjesht zëvendësoni mishin e pulës, të viçit dhe mishin e derrit me ushqime deti ndërsa jeni me pushime. Disa vajza kanë arritur të humbin shumë peshë falë kësaj diete.
5. Ecni siç duhet.
Ecja është e shkëlqyeshme për shëndetin, por ju tashmë e dini këtë. Për ta bërë ecjen edhe më efikase, ndiqni rekomandimet tona:
Ngrini kokën, ecni drejt dhe ulini shpatullat.
Ecni duke mbështetur në tokë fillimisht thembrën.
Përdorni krahët, lëvizini në drejtim të kundërt të lëvizjes së këmbëve.
Ecni të paktën 30 minuta në ditë (nëse mund të ecni për 45 minuta, është edhe më mirë). Ju mund të shijoni natyrën dhe të përmirësoni shëndetin tuaj në të njëjtën kohë.
4. Zëvendësoni pijet me lëngje të freskëta ose qumësht kokosi.
Kjo është një nga mënyrat më të shijshme për të humbur peshë gjatë pushimeve. Zëvendësoni pijet e buta ose alkoolin me lëng të freskët dhe menjëherë do të vini re një ndryshim. Nëse dëshironi që kjo metodë të jetë sa më efektive, duhet të ndiqni këshillat tona:
Pini lëng të freskët frutash bashkë me tulin e tyre.
Pini një gotë lëng 20 minuta para vaktit tuaj. Në këtë mënyrë, ju mund të zvogëloni urinë dhe trupi do të marrë vitaminat e nevojshme.
Provoni lëngje të pazakonta të bëra me majdanoz, kastravec dhe perime (thjesht qëndroni larg nga borziloku, sepse ju shton urinë). Por mos e teproni (sistemi juaj tretës kërkon kohë për t’u mësuar me këto produkte).
Eksperimentoni me erëzat! Po, nëse shtoni pak kanellë ose piper, kjo jo vetëm që do të ndihmojë në përmirësimin e metabolizmit tuaj, por gjithashtu do ta bëjë “menunë e lëngut” më të larmishëm.
Mos pini lëngje në pako!
3. Përdorni rërën.
Një mënyrë e shkëlqyeshme për të humbur kilogramë shtesë është të luani në rërë. Ju mund të luani volejboll. Është kënaqësi të luash volejboll edhe nëse janë vetëm 2 persona. Gjithçka që ju duhet është një top. Dhe rëra e bën më të vështirë, por do të argëtoheni aq shumë sa nuk do ta vini re këtë.
2. Notoni për më shumë se 20 minuta.
Do të filloni të digjni kalori shtesë vetëm pas 20 minutash not. Këtu janë disa këshilla për ta bërë notin sa më efikas të jetë e mundur:
Notoni për të paktën 30 minuta. Por mos bëni pushim.
Ndryshoni stilin (flutur, freestyle etj) dhe intensitetin.
1. Bëni ushtrime në ujë.
Ushtrimet e ujit janë shumë efektive dhe janë të mira për në pishinë apo det. Bëni këtë grup ushtrimesh sa herë që futeni në ujë:
Qëndroni në këmbë drejt, uji duhet të jetë në nivelin e qafës. Vendosini duart drejt dhe bëni lëkundje këmbësh duke provuar të prekni pëllëmbët me gishtat e këmbëve. Bëni 3 grupe me 10-15 përsëritje në secilën këmbë.
Vraponi në vend. Mundohuni të prekni të pasmet me thembrat tuaja dhe lëvizini krahët sikur po vraponi në tokë. Provoni të vraponi për 10 minuta.
Notni me shpinë dhe provoni t’i tërhiqni gjunjët në gjoks. Ky ushtrim është për muskujt e barkut. Bëni 3 grupe me nga 10-12 përsëritje. Nëse është shumë e vështirë, bëjini ushtrimet veç e veç në secilën këmbë.
Lëvizini krahët shpejt përreth trupit tuaj, duke krijuar një valë. Bëjeni këtë për 5-10 minuta.
Përfundoni stërvitjen me hedhje në ujë. Kur kërceni, vendosini duart lart. 3 grupe prej 15-20 përsëritje.
Shpresojmë që këto rekomandime t’ju ndihmojnë të humbni peshë gjatë pushimeve tuaja.
