Cristiano Ronaldo dhe Paulo Dybala kanë mësuar të punojnë së bashku pas shënimit të golave, sipas trajnerit të Juventus, Maurizio Sarri.
Ronaldo dhe Dybala të dy shënuan gola mahnitës individual ndërsa kampionët e Italisë Juve vazhdojnë të jenë katër pikë përpara në Serie A me një fitore 3-1 në Genova.
Ka pasur dyshime nëse Ronaldo dhe Dybala mund të komponoheshin në të njëjtin formacion, por ata kanë shënuar rregullisht pas rifillimit të kampionatit.
Sarri lavdëroi dyshen pas ndeshjes, duke i thënë Sky Sport Italia: “Diçka ka ndryshuar në drejtim të lëvizjeve, por ata kanë mësuar të kërkojnë njëri-tjetrin më shpesh”.
“Ata e kanë kuptuar se duke përfituar nga njëri-tjetri, të dy korrin sukses. Është diçka që e kam parë edhe në stërvitje”.
