Alec Baldwin në tetor të vitit të kaluar kishte vrarë aksidentalisht kinematografen Halyna Hutchins, ndërkohë që ishin në xhirime të filmit “Rust”.
Aktori amerikan e qëlloi me një armë që supozohej se ishte bosh, e cila shkoi në drejtim të gjoksit të kinematografes dhe e vrau atë.
Dave Halls, asistenti i regjisorit që i dha armën Alec Baldwin, pranoi se ai nuk e kontrolloi armën përpara se të përsëriste skenën.
Tronditja e Baldwin pasi dëgjoi lajmin për vdekjen aksidentale të Hutchins
“Unë mund të kisha vrarë veten nëse do të mendoja se isha përgjegjës për vdekjen e Halyna Hutchins”, tha ai.
Pamjet nga momenti kur ndodhi incidenti
Tashmë është shfaqur një video nga dita e incidentit, në të cilën policia që po heton vdekjen e kinematografes është duke marrë një deklaratë edhe nga 64-vjeçari.
Në fillim të intervistës, aktorit 64-vjeçar iu dha lajmi rrëqethës.
“Jo”, tha Baldwin, i cili menjëherë vuri dorën në gojë.
Në ato momente, aktori ishte në tronditje të plotë duke e mbuluar gojën dhe duke e vendosur dorën mbi zemrën e tij.
“Dua të telefonoj gruan time”, tha ai.
Baldwin më pas doli nga dhoma me dorën në ballë në një nga ditët më të këqija të jetës së tij.
/abc24.al/
