Rama-Berisha konferencë të ‘përbashkët’, kreu i PD: Kryeministri ka shpallur “Sali dipendencën”, por zemrat e qytetarëve janë te protesta

0
41
Gjigandi

Kryetari i PD, Sali Berisha në takimin e përjavshëm me gazetarët ka komentuar faktin që kryeministri Edi Rama ka lajmëruar konferencë për mediat në të njëjtën orë me të.

Berisha tha se tmerri i protestës e ka Edi Ramën të shpallë “Sali dipendencën”, pasi sipas tij motivet e kësaj të fundit janë të jashtëzakonshme.

“Tmerri i protestës e ka Edi Ramën të shpallë “Sali dipendencën”, ka caktuar konferencë shtypi në të njëjtën orë me ne. Sytë dhe zemrat sot janë në këtë tryezë. Jam këtu për të drejtuar thirrjen në emër të Frontit për Shpëtimin e Shqipërisë, mbarë qytetarëve shqiptarë të bashkohen në 7 korrik në Bulevardin para kryeministrisë. Motivet e kësaj proteste janë të jashtëzakonshme. Kurrë ndonjëherë 3 orë më shumë të harxhuara në një protestë nuk kanë pasur mision më të madh sesa protesta e 7 korrikut.

Ky popull po injorohet nga regjimi autokratik i Edi Ramës, njësoj si në një diktaturë të vërtetë. Akti i djeshëm në Parlament tejkalonte edhe imagjinatën. Dje Edi Rama me ligj vendosi që qindra milionë euro të fituara duke pirë gjakun e qytetarëve shqiptarë me bordet shushunja, duke rritur çmimet në vend që t’u riktheshin atyre që kanë problem kafshatën e gojës, Edi Rama i shpërndau me klientelën e tij”, tha ai.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu