Trajneri i Milanit, Stefano Pioli, e ka lëvduar ndikimin e Zlatan Ibrahimovicit në ndeshjet triumfale të Rossonerëve.
Në takimet, në të cilat ka qenë prezent sulmuesi veteran, kuqezinjtë kanë bërë paraqitje më të mira duke bërë edhe ngritje në tabelë.
Sidoqoftë, e ardhmja e 38-vjeçarit mbetet e pavendosur, duke qenë se nuk dihet nëse ai do të vazhdojë me Milanin, apo do të shkojë diku tjetër.
“Kontributi i Ibras ka qenë i jashtëzakonshëm në aspektin teknik dhe në sa i përket karakterit. Duhet ta shohim nëse ekziston akoma mundësia dhe dëshira për të vazhduar së bashku”.
“Pas 2 gushtit, do të ketë kohë të mjaftueshme për ta shqyrtuar situatën në mënyrën e duhur”, ka deklaruar Pioli në një konferencë për shtyp.
