Këngëtarja shqiptare nga Kosova, Dua Lipa, ka “tërbuar” serbët dhe në përgjithësi rajonin me postimin e fundit në rrjetet sociale, ku ka publikuar flamurin e bukur “autochtonus” të Shqipërisë Etnike.
Dua ka postuar flamurin e ngritur në Beograd nga Ballisti, në ndeshjen Serbi-Shqipëri, duke përshkruar domethënien e saktë të fjalës autokton.
Ky postim nga Dua ka ngjallë debat të madh dhe sigurisht pakënaqësi maksimale në komentuesit e shteteve nga rajoni, sidomos nga Serbia.
Gjithsesi, postimi i Duas ka marrë mbështetje të madhe nga opinion shqiptar.
E një pëlqim këngëtares nga Prishtina i erdhi nga legjenda e futbollit italian, Francesco Totti.
Ish-futbollisti i Romës ka pëlqyer foton e Duas, duke dhënë qartë mesazhin e tij në këtë debat. Të kujtojmë që Totti njihet edhe për ndihmën që ia ka dhënë Kosovës, pas përfundimit të luftës.
