Ka ndërruar jetë këngëtarja Traci Braxton, e cila ishte motra e Toni dhe Tamar Braxton.
Ajo ishte 50-vjeçare.
Lajmin e bëri të ditur Toni në llogarinë e saj në Instagram herët të shtunën në emër të familjes Braxton.
Traxi Braxton (Foto: Paras Griffin)
“Me keqardhjen më të madhe ju njoftojmë për ndarjen nga jeta të motrës sonë, Traci, e cila është e panevojshme të thuhet se ishte një dritë e ndezur, një vajzë e mrekullueshme, një motër e mrekullueshme, një nënë e dashur, grua, gjyshe dhe një interpretuese e respektuar. Do të na mungojë shumë”, nis deklarata e familjes.
“Kërkojmë që të respektoni privatësinë tonë. Ne jemi familje përgjithmonë”, përfundon deklarata e familjes.
Lajmin për vdekjen e saj e konfirmoi edhe bashkëshorti i Tracit, Kevin Surratt, në një deklaratë të shpërndarë me Fox News Digital. Ai tha se ajo kishte qenë privatisht duke iu nënshtruar trajtimit për kancerin e ezofagut.
Traxi Braxton (Foto: Slaven Vlasic)
Traci ka lindur në prill të vitit 1971 në familjen e famshme Braxton. Përveç Toni dhe Tamar, vëllezërit e motrat e saj përfshijnë vëllain Michael Jr. dhe motrat Towanda dhe Trina.
Disa nga hitet e saj janë: “Last Call”, “Broken Things” dhe “Lifeline”.
/abc24.al/
Traci Bracton (Foto: Getty Images)
