Ballkani ka humbur vendi e parë në ligë pas një barazimi pa gola ndaj Drenicës.
Megjithatë, kjo nuk e shqetëson shumë teknikun Munishi, i cili ka mbetur i kënaqur nga ajo se çfarë treguan futbollistët e tij në këtë ndeshje.
“Ne kemi parë edhe skuadra me të mëdha që kanë dominuar dhe nuk kanë shënuar. Nuk e deshti që topi të futet në gol. Unë jam i kënaqur me angazhim dhe lojën e futbollistëve. Mendoj se është çështje fati. Topi nuk deshi të futej në goll ose ndoshta edhe është futur, por unë nuk kam mundur edhe ta vërejë nga pozita ku isha”, deklaroi pas ndeshjes Munishi.
Në kuadër të xhiros së 24-të, Ballkani udhëton drejt kryeqytetit për t’u përballur me Flamurtarin.
