Ish-trajneri i Schalkes dhe RB Leipzigut, Ralf Ragnick, ka arritur marrëveshje me skuadrën e Milanit, raportoi të mërkurën e përditshmja italiane “Gazzetta dello Sport”.
Mësohet se Ragnick tashmë është pajtuar me kushtet e ofruara nga ekipi italian dhe gjithçka do të bëhet zyrtare deri në fund të këtij muaji.
Milani i ka ofruar 61-vjeçarit kontratë katërvjeçare dhe Ragnick tashmë ka nisur t’i identifikojë futbollistët që do t’i transferojë para fillimit të edicionit 2020/21.
Ragnick në postin e trajnerit te Milani, do ta zëvendësojë italianin Stefano Pioli që në tetor të vitit të shkuar zëvendësoi Marco Giampaolon.
