Është 15 vjeç dhe ka debutuar në La Liga kundër një klubi të madh në kontinentin e vjetër. I lindur në Meksikë, i quajtur “Messi meksikan”, Luka Romero debutoi në elitën e futbollit spanjoll me Mallorca, në ndeshjen e javës së 31-të, në stadiumin “Alfredo Di Stefano”. I hedhur në fushën e blertë në minutën e 82-të kundër merengues, talenti i ri, që tashmë ka luajtur me ekipet e të rinjve të Argjentinës, nuk pati pothuajse asnjë kontakt me topin.
Sidoqoftë, karriera e tij duket se do të ketë plot suksese, sepse ka potencial të madh. Me 15 vite e 219 ditë, Luka Romero u bë lojtari më i ri, që debuton në La Liga. Pra, meksikani bëri histori. 36 ditë janë ato që e ndajnë atë nga spanjolli Francisco Bao “Samson”, i cili debutoi në moshën 15 vjeç dhe 255 ditë.
Pesë lojtarët më të rinj, që debutuan në La Liga
1. Luka Romero | 15 vjet 219 ditë
2. Francisco Bao “Samson” | 15 vjet 255 ditë
3. Pedro Irastorza | 15 vjet 288 ditë
4. Carscar Ramón | 15 vjet 289 ditë
5. Branko Kubala | 16 vjet 83 ditë
Kush është Luka Romero?
Ky futbollist lindi në Durango, Meksikë, më 18 nëntor 2004. Babai i tij, Diego Adrián Romero Oivadis, një argjentinas, luajti për Alacranes de Durango. Më vonë iu desh të transferohej në Spanjë, ku u stërvit si lojtar. Në një provë te Barcelona nuk pati fat. Më pas e mori Mallorca, një ekip me të cilin debutoi të mërkurën në La Liga.
