Koha e pandemisë ka lënë pasoja të mëdha edhe të disa federatat sportive, sepse disa nuk kanë mundur t’i organizojnë kuvendet e punës dhe disa edhe ato zgjedhore, si bie fjala Federata e Boksit e Kosovës.
Sekretari i përgjithshëm i Federatës së Boksit të Kosovës është Mehmet Bogujevci, i cili ka një zor të madh në aspektin sportiv.
E para, nga 1 tetori i vitit të kaluar federata ka mbetur pa kryetar kur dha dorëheqje Ramadan Selimi.
E dyta, nga ajo kohë nuk kanë mundur të mbajnë kuvendin zgjedhor dhe të gjejnë dhe pasardhësin e Selimit.
E treta, e mira është se e kanë një ushtrues detyre të kryetarit, e ai është Sylejman Voca, një njeri i përkushtuar.
E katërta, Bogujevci e din se nuk është koha e zgjedhjeve, sepse është kohë e papërshtatshme dhe askush nuk i garanton atij s’e nuk mund infektohet nga virusi korona dikush nga delegatët.
Prandaj, një herë federata e ka ndërmend të vazhdojë kësisoj, por jo edhe pafundësisht sepse zgjedhja e organeve të reja është e domosdoshme dhe sa më shpejt që është e mundur.
Krejt në fund, Bogujevci rrallë e për mall del në federatë, duke u ruajtur nga kjo kohë, nga ky virus por e angazhon të ashtuquajturin “motorin” e federatës, Latif Demolli, që i kryen të gjitha punët.
Bogujevci aktualisht jeton në Bresje të Fushë Kosovës, ndërsa në federatë shkon atëherë kur duhet të zgjidhet ndonjë problem i madh, ndërsa punë teknike i kryejnë të tjerët. Zori më i madh i tij sportiv është më e zgjedhur kryetarin e ri.
