United e bënë prioritet transferimin e Van de Beek.
Manchester United vazhdon të shfaq interesim për mesfushorin holandez Dony Van de Beek.
Edhe përkundër çmimit të lartë që i ka vendosur Ajaxi, Djajtë e Kuq po duan transferimin e holandezit në Old Traford.
Kampioni në fuqi i Holandës nuk e ka ndërmend ta lë të lirë yllin e tyre të largohet pa u paguar shuma prej 60 milionë eurove.
Po aq para po kërkon edhe Aston Villa për Jack Grealish, derisa Djajtë e Kuq po mendojnë më përpara ta transferojnë holandezin se sa anglezin.
Sipas medieve angleze arsyeja që United e ka bërë prioritet transferimin e Van de Beek është përvoja e tij në garat evropiane si Ligën e Kampionëve apo Ligën e Evropës.
Megjithatë United duhet ta mposhtë konkurrencën e Real Madridit për të nënshkruar me reprezentuesin holandez.
Gjithsesi Djajtë e Kuq fillimisht duan ta shesin francezin Paul Pogba, para se të transferojnë mesfushorin tulipan në vend të francezit në Old Traford.
