‘Djajtë e kuq’ janë vënë në sulm para merkatos së verës.
Manchester United po shikon të gjitha opsionet për të përforcuar repartin ofensiv të skuadrës.
Sipas raportimeve të ‘Athletic’, Manchester United ka nisur negociatat për të arritur marrëveshjen me Kingsley Coman të Bayern Munich.
Coman shihet si alternativë për Jadon Sancho, meqë francezi ka një çmim më të ulët në merkato.
Coman besohet të jetë i pajtimit për një kalim në ‘Old Trafford’, ku ai mund të luante me shokët e kombëtares së Francës, Anthony Martial e Paul Pogba.
Mbetet të shihet se sa United do të ofrojnë për të siguruar kartonin e ish lojtarit të Juventus.
