Ndeshja e xhiros së dytë të Ligës së Kombeve mes Gjermanisë dhe Anglisë përfundoi 1-1 në “Allianz Arena”. Një barazim, rezultat i golave në pjesën e dytë të shënuar nga Hofmann dhe Kane (penallti), që e lejon Italinë të kapërcejë në krye të grupit 3.
Megjithatë, në fundin e ndeshjes, u bë “viral” episodi që e pa në një pozitë delicate xhevahirin e Borussia Dortmund, Jude Bellingham. Ai hyri në fushë pas vetëm 14 minutash në vend të Phillips dhe si zakonisht dha gjithçka në fushë, edhe në rikuperim të topave të humbur.
Kjo tendosje fizike pati edhe pasoja. Pas një rikuperimi tjetër në fazën e mbrojtjes, duke u përkulur mbi gjunjë, jashtë zonës së tij të penalltisë, ai nuk ishte në gjendje të vraponte më dhe ndaloi në fushë.
Shokët dhe kundërshtarët e tij po ecnin rregullisht përpara, por disa spektatorë e vunë re atë që kishte ndodhur dhe raportuan gjithçka në rrjetet sociale, duke provokuar komentet ironike të internetit.
Fakti është se Bellingham volli në fushë gjatë ndeshjes Gjermani-Angli, pastaj shkakun mund ta hamendësojë cilido., por nuk ka reagim zyrtar nga stafi mjekësor i “Tre Luanëve”.
